HUMBJA E MADHE
Ilievski i dëshpëruar
29 March, 2016 @23:20
Kozuvi i Marjan Ilievskit nuk ka arritur të plasohet në finale të BIBL, përkundër se ka pasur 15 pikë epërsi nga ndeshja e parë ndaj Mornarit.
“Uroj Mornarin për fitore të madhe. Ata e merituan fitoren sepse e kishin të qartë se si të tejkalohet epërsia 15 pikëshe. Nuk dua ta pranojë, por mendoj se është më mirë të fitosh 2 pikë epërsi pastaj të luash ndeshjen e kthimit, pasi që fitorja prej 15 pikëve në ndeshjen e parë na futi në gjumë,” ka thënë ish-trajneri i Sigal Prishtinës me të cilët kishte fituar titullin e BIBL stinorin e kaluar.
Mornar i Tivarit shkriu epërsinë 15 pikëshe të Kozuvit sonte për të arritur finalen e BIBL. Në finale ekipi malazez do të takohet me fituesin e duelit Sigal Prishtina - Beroe.
