LEGJENDA
TV Dukagjini/ Screenshot
U përshëndet me lot
20 January, 2015 @22:10
E kishte vështirë. Lotët nuk arriti ti ndalë, disa herë. Borozani.com
Samir Shaptahovic, shqiptari nga Tivari i Malit të Zi, prej se erdhi në Kosovë, la gjurmë të pashlyeshme në basketbollin kosovar të pas vitit 1999.
Fitoi trofe, medalje, shënoi pikë të panumërta, derisa asistoi mjeshtërisht për shumë bashkëlojtarë gjatë viteve të kaluara nga Prishtina, Mabetex, Bashkimi dhe në fund Peja. Karrierë bëri edhe jashtë, kur luajti edhe në Islandë.
“Siç e paralajmërova sot, kjo ka qenë ndeshja e fundit për mua. Arsyeja e vetme për këtë është familja ime, që është në SHBA, e kur unë nuk i kam afër ata, nuk mund të jap 100 përqindëshin tim,” ka thënë ai ndër të tjera për TV Dukagjinin sot pas ndeshjes ndaj Rilskit.
Lajmi për ndarjen e Samirit me basketbollin tonë, erdhi befasishëm sot, kur ai kishte kumtuar në një letër atë që për ‘të ishte - fund me lot.
Gjithsesi, neve na mbetet të themi - kudo që je - suksese Super Samir dhe falemnderit për atë që i dhurove basketbollit kosovar ndër vite.
Ai tregoi edhe njëherë arsyet e vendimit të tij në një intervistë për TV Dukagjinin menjëherë pas ndeshjes, duke mos mundur t’i thotë fjalët e fundit për shkak të emocioneve.
Ja intervista e fundit e Samirit në karrierën si basketbollist…
