Ish-kampionët e rikthyer në Superligë, nisin përgatitjet

Skuadra e Trepçës’89 i është rikthyer përgatitjeve për stinorin 2022/23. Por, kësaj radhe përgatitjet për dallim nga stinori i kaluar po bëhen për Superligë.

Trepça’89 kishte rënë dy stinorë më parë nga Superliga, por arriti të kthehet ekspres në Superligë nën drejtimin e Shpëtim Idrizit trajner.

Minatorët, ish-kampionë të Kosovës, fituan vendin e parë në Ligën e Parë Grupi A, duke lënë pas Lirinë e Vëllaznimin lehtë, për t’iu rikthyer elitës.

Ekipi nën drejtimin e Idrizit pret që të stabilizohet këtë stinor në Superligë.