AARON MOSS
Kampion me Bashkimin, tash në Shqipëri
6 February, 2019 @11:57
Njëri ndër basketbollistët më meritor që bëri Bashkimin kampion në stinorin e kaluar të Superligës, Aaron Moss, do të vazhdojë karrierën në basketbollin shqiptar.
Njoftimin për këtë e ka dhënë agjencioni i lojtarit, duke bërë të ditur se MVP i BIBL dhe i Superligës për stinorin e kaluar, Aaron Mos, ka arritur marrëveshje me skuadrën Goga Basket.
Goga Basket aktualisht është lidere e Superligës së basketbollit shqiptar, me bilanc 7-3, sa ka edhe Teuta e Partizani, që ndajnë tre pozitat e para të klasifikimit.
Moss prej Bashkimit kishte shkuar në elitën rumune të basketbollit ku me ekipin Phoenix Galati ka pasur mesatare prej 17.3 piëve, 12.3 kërcimeve dhe 8.7 asistimeve për ndeshje.
Në këtë ekip, trajner e ka pasur edhe njeriun që bëri Bashkimin kampion, Dragan Radovic.
