DAISHON KNIGHT
Ish lojtari i Bashkimit në ABA League
6 February, 2019 @16:58
I ardhur në Prizren në fund të tetorit të vitit 2017 si përforcim i Bashkimit, Daishon Knight, pas performancave të mira me ekipin e tij të deritashëm Academic Bultex, do të kalojë në ABA League.
Lojtari në fjalë ka arritur të bind drejtuesit e ekipit nga Tivari, Mornar, me paraqitjet e tij për ekipin bullgar këtë stinor dhe tashmë është në pritje të debutimit në ligën e Adriatikut.
Knight 27 vjeç ka pasur mesatare prej 21.3 pikëve për ndeshje me Academicun, ndërsa në BIBL këtë stinor ka shënuar 20.3 pikë mesatarisht.
Ai tashmë është regjistruar si lojtar i ri i Mornarit, ndërsa ekipi malazez do të mund ta përdor atë që në ndeshjen e radhës ndaj Crvena Zvezdës.
