Ish-mbrojtësi i Prishtinës transferohet te Ballkani

Një ditë pasi e largoi Bekim Isufin nga detyra e kryetrajnerit, sot Ballkani nga Suhareka përsëri ka qenë aktiv.

Skuadra në fjalë sot e zyrtarizoi ardhjen e qendërmbrojtësit Lumbardh Dellova, i cili te Ballkani ka ardhur nga Hajduku i Splitit.

Sezonin e kaluar, Dellova ishte pjesë e Prishtinës si i huazuar nga Hajduku i Splitit, e me skuadrën kryeqytetase ai u shpall kampion i Kosovës. Ndërkohë, në fillimet e karrierës ai ka luajtur edhe te Liria e Prizrenit.

TABELA AKTUALE

Dellova Ballkanin e gjen në vendin e tretë të renditjes pas 18 xhirove, e synim në pjesën e dytë të sezonit do të jetë titulli kampion.