ISTOGU - NEW BASKET
Istogu mposht edhe New Basketin, rimerr kreun
24 October, 2019 @17:22
Skuadra e Istogut, duke e mposhtur New Basketin me rezultat 95-52, e rimerr kreun nga Vëllaznimi.
Djelmoshat e trajnerit Fikret Shatri, që në çerekun e parë krijuan një epërsi prej 20 pikëve (29-9) dhe më pas deri në fund nuk e lëshuan epërsinë në asnjë minutë të ndeshjes.
Si zakonisht edhe në këtë ndeshje më i miri te Istogu ishte Diamant Shabani. Ai luajti me 25 pikë, 8 kërcime, 5 asistime e 5 topa të rrëmbyer, derisa u ndihmua edhe nga Labinot Kelmendi me 14 pikë, Andi Kabashi me 13 pikë dhe Nderim Januzaj me 10 pikë të tjera.
Te New Basketi u dalluan Albatrit Berisha me 14 pikë, Drini Rexha me 13 pikë dhe Altin Sahiti me 10 pikë.
Istogu me 2 fitore e 0 humbje gjendet në krye të tabelës, kurse New Basketi nuk është njoftuar me fitore as në ndeshjen e dytë.
Në xhiron tjetër, Istogu takohet me AS Prishtinën, kurse New Basketi me Kerasan Prishtinën.
