Kampioni e nis bindshëm

Skuadra kampione e Euroligës, CSKA Moska, e ka nisur bindshëm stinorin me format të ri në këtë garë.

Ata kanë mposhtur Galatasarayin në Stamboll me rezultat 109-84 pas lojës së mirë të treguar në çerekun e parë dhe të fundit, kur edhe bënë dallimin kryesor për të ardhur te fitorja.

TABELA AKTUALE E EUROLIGËS

Nando De Colo me 22 pikë dhe Milos Teodosic me 20 të tjera kanë qenë të pandalshëm te ekipi moskovit, derisa trajneri Dimistris Itoudis i dha mundësi të gjithë basketbollistëve që i kishte në dispozicion të shijojnë lojën.

Te Galatasarayi, që këtë stinor u rikthye në Euroligë si fitues i Eurocupës, më efikasi ka qenë Sinan Guler me 16 pikë të shënuara.

Në ndeshjet tjera të 13 tetorit janë arritur këto rezultate:

Emporio Armani Milan 99-97 Maccabi Fox Tel Aviv

Crvena Zveza MTS Beograd 70-73 Darussafaka Dogus Istanbul