Kampioni konfirmohet i pari

Golden Eagle Ylli është bërë skuadra e parë që ka konfirmuar pjesëmarrjen në edicionin e dytë të Ligës Unike.

Në fakt, ekipi suharekas është kampion historik i kësaj gare, pasi që e fitoi atë që në edicionin e parë, duke e mposhtur Pejën në finale.

Dje, Liga Unike edhe zyrtarisht bëri të ditur që Golden Eagle Ylli është skuadra e parë që ka konfirmuar pjesëmarrjen për edicionin e dytë të garës, 2021/22, ndërsa është thënë gjithashtu se deri në fund të javës do të kompletohen të tetë skuadrat pjesëmarrëse.

“Ylli ka konfirmuar pjesëmarrjen për edicionin e ri të Ligës Unike, që është skuadra e parë, derisa deri në fund të javës do të kompletohen tetë skuadrat që do të marrin pjesë në këtë edicion,” ka shkruar ndër të tjera faqja zyrtare e Ligës Unike në njoftim.

Stinori i ri i Ligës Unike është thënë se do të fillojë në tetor të këtij viti, ndërsa para saj është paraparë të organizohet Superkupa mbarëkombëtare.