PAS MOSZHVILLIMIT TË NDESHJES
KB Tirana dënon dhunën e djeshme
7 April, 2017 @10:08
Përmes një komunikate të lëshuar në Facebook, KB Tirana, ka dënuar sot dhunën e djeshme të shfaqur në rrugët e qytetit dhe pallatin e sportit, para fillimit të Superkupës shqiptare, ku pritej të niste takimi mes Vllaznisë dhe Tiranës.
“Në emër të drejtorit të klubit Spiro Koleka kërkojmë ndjesë. Edhe pse nuk ishim as organizatorë, as përgjegjës, për mbarëvajtjen e ndeshjes, ndërgjegjja nuk na lejon të heshtim,” ka shkruar njoftimi i botuar pak më parë.
“Sporti nuk është dhunë dhe dhuna nuk mund të justifikohet në asnjë rast,” ka përfunduar njoftimi i shkruar në emër të drejtorit të SK Tirana.
