KASTRIOTI (F) - BASHKIMI (F)
FOTO / Arkiv
KBF Bashkimi deklason Kastriotin
22 January, 2022 @21:05
Skuadra e femrave të Bashkimit, kanë regjistruar një fitore të lehtë kundër Kastriotit me rezultat 21-151.
Vashat e Bashkimit në çerekun e parë nuk pësuan asnjë pikë, derisa shënuan 46 pikë, për ta deklasuar deri në fund skuadrën e Kastriotit.
Erjona Krasniqi me 27 pikë, 13 asistime, 9 topa të rrëmbyer dhe me 4 kërcime ishte më e dalluara te Bashkimi, derisa u ndihmua edhe nga Meria Bilalli me 26 pikë, 8 kërcime e 7 topa të rrëmbyer dhe Besjana Martinaj me 24 pikë, 8 asistime e 7 topa të rrëmbyer.
Te Kastrioti asnjë basketbollista nuk luajti me pikë dyshifrore, derisa më e mira ishte Era Aliu me 9 pikë e 12 kërcime.
Bashkimi me 8 fitore e 4 humbje gjendet në pozitën e tretë, kurse seria jo e mirë e Kastriotit ngritet në 12 humbje.
Në xhiron tjetër Bashkimi takohet me Penzën, derisa Kastrioti me Trepçën.
