Kësaj radhe luajmë të kompletuar

Amerikani i Rilski Sportisit, Vernon Taylor, ka thënë se ekipi i tij do të paraqitet për herë të parë pa të lënduar në ndeshje ndaj Sigal Prishtinës. 

“Po, kemi humbur dy herë ndaj tyre, mirëpo tash jemi ekip tjetër. Çdo herë që kemi luajtur kundër tyre kemi pasur ndonjë lojtar të lënduar, kësaj radhe jemi komplet. Shto këtu se në finale mund të ndodh gjithçka. Mendoj se mbrojtja më e mirë e fiton titullin,” ka thënë Taylor për faqen zyrtare të ligës ballkanike para ndeshjes me Sigal Prishtinën. 

“Gjithmonë fundi i stinorit duhet të përfundojë me një ‘boom’ dhe do të ishte mëkat nëse nuk e fitojmë trofeun. Duam fitore!” ka thënë amerikani i Rilskit. 

Taylor ka mesatare prej 14 pikëve 4.8 kërcimeve dhe 2.8 asistimeve për ndeshje këtë stinor për Rilskin dhe bashkë me alo-qendrën malaziase Zarko Rakocevic janë lojtarët kryesorë të ekipit bullgar që do të jetë mysafir i Prishtinës nesër në ndeshjen e parë finale të BIBL.