KNICKS - CAVALIERS
Foto: nba.com
Knicks ia dhuroi fitoren Clevelandit
14 November, 2017 @10:10
Në ndeshjen e luajtur në “Madison Square Garden”, ndërmjet New York Knicksit dhe Clevelandit, vendasit u mposhtën.
New Yorku gjatë ndeshjes e ngriti epërsinë deri në 23 pikë dhe të gjithë menduan se ndeshja do të përfundojë me fitoren e vendasve.
Por në çerekun e fundit të ndeshjes, Clevelandi filloi që të inkuadrohet në lojë duke shënuar me anë të LeBron Jamesit dhe Kyle Korverit. Ata së pari barazuan rezutatin, pastaj kaluan në epërsi për t’a mposhtur kundërshtarin me rezultat 104-101.
LeBron Jamesi për një kërcim nuk arriti shifrat magjike triple-double. Ai luajti me 23 pikë 12 asistime e 9 kërcime, derisa u ndihmua me 21 pikë të tjera edhe nga Kyle Korver.
Te New Yorku, më i dalluari ishte Tim Hardaway Jr. me 28 pikë e 10 kërcime.
Kjo ishte fitorja e dytë me radhë dhe e shtata e Clevelandit, ndërsa Knicks ka bilanc prej 7 fitoreve e 6 humbjeve.
