NË LËVIZJE
Kololli kalon në Zurich
21 July, 2018 @13:04
Reprezentuesi i Republikës së Kosovës, Benjamin Kololli është lojtar i ri i skuadrës së Zurichut. Mesfushori 26 vjeçar vjen tek dymbëdhjetë herë kampionët e Zvicrës nga ekipi i Laussane të cilët kishin rënë në Challenge League në fund të sezonit të kaluar.
Për Laussane, sezonin e kaluar Kololli shënoi 10 gola dhe 6 asistime. Laussane ka përfituar 800 mijë euro nga ky transferim, ndërsa Kololli ka nënshkruar për tri vite, deri në qershorin e vitit 2021.
Kololli është futbollisti i pestë me prejardhje shqiptare tek skuadra e Zurichut, duke iu bashkuar Lavdrim Rexhepit, Izer Aliut, Mirlind Kryeziut, dhe Hekuran Kryeziut, i cili këtë verë erdhi në Zurich nga Luzerni.
