FIBA RANKING
Foto: fiba.basketball
Kosova bie për një pozitë në renditjen e FIBAs
26 September, 2018 @13:55
FIBA ka publikuar të dhënat mujore për renditjen e reprezentacioneve të basketbollit, pas ndeshjeve të para parakualifikuese për Eurobasket 2021.
Kosova, pas humbjes që e kishte nga Maqedonia, ka pësuar rënie për një pozitë në renditjen botërore të FIBAs.
Aktualisht prej pozitës ku ka qëndruar në muajin e kaluar, 81, ka rënë në pozitën e 82-të në renditjen botërore.
Ndërkaq, në FIBA Europe Kosova është aktualisht nga 55 vende anëtare, e 37-ta.
Maqedonia, rivalja e grupit të Kosovës është e 40-ta në renditjen Botërore, ndërkaq e 22-ta në Evropë.
E Rumania, me të cilën Kosova do të ndeshet në muajin tjetër është e 59-ta në Botë dhe e 32-ta në Evropë.
