Kosova deri diku ka të qartë kundërshtarët e playoffit në Ligë të Kombeve

Pas ndeshjes së ndërprerë ndaj Rumanisë dhe para ndeshjes së fundit të fazës grupore në Ligë të Kombeve ndaj Lituanisë, që luhet sonte, Kosova nëse mbetet e dyta në Grupin 2 të Ligës C të Kombeve, ka mësuar kundërshtarët potencialë, nëse ata qëndrojnë në këto pozita të treta edhe pas ndeshjeve të fundit të grupeve. Në fakt, vetëm dy skuadra kanë mbetur të qartësohen, pasi që kanë gjasa të marrin vendin e parë/dytë  dhe të mos mbeten në vend të tretë të grupit në Ligën B të Kombeve.

Me rregullin e ri, UEFA në edicionin e tretë të Ligës së Kombeve ka bërë që edhe vendet e dyta në Ligat B, C dhe D të shpresojnë për më shumë dhe kështu ata do të kenë ndeshje playoffi për ngritje-ulje në një Ligë më lartë/poshtë.

Kështu, nëse Kosova mbetet në vend të dytë [pasi që pritet vendimi i UEFA-së për ndërprerjen e ndeshjes Rumania-Kosova] atëherë kundërshtarët potencialë do të jenë: Irlanda [e konfirmuar në pozitë të dytë], Sllovenia [e konfirmuar], Gjeorgjia dhe Islanda — që aktualisht janë në vend të tretë të Ligës B të Kombeve.

Kjo, pasi që si vendet e dyta të Ligave B, C dhe D, luajnë ndeshje playoffi ndaj vendeve të treta të Ligave A, B dhe C - për të luftuar për ulje/ngritje të ligave përkatëse.

Nga Liga B e Kombeve, aktualisht sipas grupeve në pozitat e treta janë: Gjeorgjia [duhet pritur xhiron e fundit], Irlanda [e konfirmuar], Sllovenia [e konfirmuar] dhe Islanda [duhet pritur xhiron e fundit].

Kurse në Ligën C të Kombeve, aktualisht sipas grupeve në pozitat e dyta janë: Sllovakia [e konfirmuar], Kosova [duke pritur vendimin e UEFA-së], Bullgaria [duhet pritur xhiron e fundit] dhe Armenia [e konfirmuar]. Për shembull, nëse Shqipëria përfundon e treta në Ligën B të Kombeve në Grupin 1 ku garon, atëherë jo Gjeorgjia, por Shqipëria do të mund të ndeshet me Kosovën nëse do shorti.

Këto ndeshje playoffi i përcakton shorti i UEFA-së, që mbahet më 22 nëntor.

GJENDJA AKTUALE NË LIGËN C TË KOMBEVE

GJENDJA AKTUALE NË LIGËN B TË KOMBEVE