Kosova U16 në Irlandën Veriore për 3 ndeshje

Përfaqësuesja U16 e Kosovës sot ka udhëtuar në Irlandën Veriore, ku do të marrë pjesë në turneun zhvillimor që mbahet nën përkujdesjen e UEFA-së për grupmoshat U16.

Edhe vitin e kaluar Kosova ishte pjesëmarrëse e këtij turneu dhe ky është i dyti i një formati të tillë, që ka për qëllim zhvillimin e futbollit te grupmosha U16 dhe zhvillimin e tyre të gjithëmbarshëm.

Para nisjes, përzgjedhësi i Kosovës U17, Besnik Kollari, i cili ka udhëtuar me grupmoshat U16 në këtë turne, u shpreh:

“Ky është një turne jashtëzakonisht i mirëseardhur e në veçanti për neve si Kosovë, që ka për qëllim zhvillimin e grupmoshave U16. Ne do ta shfrytëzojmë këtë turne maksimalisht jo vetëm për të bërë një paraqitje të mirë dinjitoze, përballë kombëtareve me përvojë siç është Irlanda Veriore, Ishujt Faroe dhe ajo e Luksemburgut, por do të jetë një test i mirë për të gjithë futbollistët e rinj si këta nga Kosova ashtu edhe ata që aktualisht luajnë për skuadrat evropiane, për të parë nivelin e zhvillimit të tyre sikur edhe për të fituar përvojën e duhur. Kemi një grup të mirë të futbollistëve ndaj pres zhvillime pozitive”.

Ne këtë turne Kosova do të zhvillojë tri ndeshje. Kështu, ndeshjen e parë më 4 prill do ta luajë kundër Irlandës Veriore, më 6 prill kundër Ishujve Faroe dhe më 8 prill kundër Luksemburgut.

Lista e futbollistëve të ftuar:

1. Butrint Bulliqi (25.08.2002) 2 Korriku (Portier)
2. Erdin Dushi (07.10.2002) FC El Clasico
3. Hajdin Salihu (18.01.2002) Kurda (Kapiten)
4. Lekë Demjaha (04.03.2002) KF Fushë Kosova (Portier)
5. Leorant Marmullaku (24.09.2002) KF Dukagjini
6. Leuart Avdyli (14.04.2002) Kurda
7. Milot Avdyli (28.07.2002) Kurda
8. Oltion Bilalli (03.01.2002) KF Besëlidhja
9. Taulant Kicmari (23.03.2002) 2 Korriku
10. Valon Azemi (20.01.2002) Kurda
11. Veton Tusha (29.12.2002) FK Vardar
12. Ardi Ajdini (04.11.2002) 2 Korriku
13. Andi Janjeva (11.10.2002) Watford FC
14. Adrion Pajaziti (16.11.2002) Fulham FC
15. Florind Lokaj (08.06.2002) Valerenga
16. Bleron Krasniqi (18.05.2002) Schalke 04
17. Doader Mala (19.11.2002) TSV 1860 Munchen
18. Edin Huseini (07.01.2002) TSV 1860 Munchen
19. Valdrin Konjuhi (23.07.2002) TSV 1860 Munchen
20. Valon Zumberi (24.11.2002) HSV Hamburg