Kozuv, me një këmbë në finale

Skuadra e Kozuvit ka shënuar fitore shumë të rëndësishme në ndeshjen e parë gjysmëfinale të Ligës Ballkanike.

Ekipi nga Gjevgjelia e mposhti Mornarin e Malit të Zi me rezultat 86-71, për të krijuar avantazh të konsiderueshëm para ndeshjes së kthimit që do të luhet pas një jave në Mal të Zi.

Në fitoren e Kozuvit rol të madh luajti Vladimir Brchkov, që shënoi 21 pikë dhe 7 kërcime, derisa pikë dyshifrore shënuan edhe Aleksej Nesovic, Aleksandar Sterjov dhe Stojan Gjuroski.

Në anën tjetër, organizatori amerikan i Mornarit, Lamont Jones, ishte i vetmi që u mundua t’i bëjë ballë vendasve, pasi e përfundoi takimin me 30 pikë të shënuara.

Për Kozuvin kjo ishte fitorja e parë përballë Mornarit, pasi në dy ndeshjet e mëparshme të fazës së parë grupore, malaziasit ishin treguar më të fortë.

Finalisti i këtij çifti do të përcaktohet pas ndeshjes së dytë gjysmëfinale që do zhvillohet në Mal të Zi më 29 mars, ku në rast të fitores së Mornarit, në finale do të shkojë skuadra që ka koshaverazh më të mirë në përballjet e gjysmëfinales.

Nesër do të zhvillohet dueli tjetër gjysmëfinal, ku do të përballen Sigal Prishtina dhe ekipi bullgar, Beroe.

Statistikat ekipore te Kozuvi

Statistikat ekipore te Mornari