Kriza vazhdon! Humbja e tretë me radhë

Borussia Dortmund po vazhdon me teposhtëzen e tetorit edhe gjatë muajit nëntor. Verdhezinjtë që prej humbjes nga Leipzigu në mes të tetorit në Bundesligë, tashmë 5 ndeshje nuk kanë shijuar fitoren, ndërsa kanë pësuar 4 herë.

Sonte, djelmoshat e Peter Boszit u mposhtën nga Stuttgart në MercedesBenz Arena, 2-1, ndërsa fitoren vendasve ia solli rezervisti kroat, Josip Brekalo, me golin e shënuar në pjesë të dytë, pasi që e para përfundoi 1-1, ku Chadrac Akolo i kishte dhënë avantazhin Stuttgartit, ndërsa Max Philipp kishte barazuar pas dështimit të Andre Schurrles nga penalltia në fund të pjesës së parë.

TABELA AKTUALE E BUNDESLIGËS

Stuttgart në anën tjetër, është këndellur pas humbjes si mysafir nga Hamburgu, ndërsa formën e mirë si vendas e ka çuar në 3 fitore me radhë.