MIQËSORE: BURSA - KUKËSI
Kukësi mposht edhe Bursasporin
10 January, 2018 @17:51
Skuadra e Kukësit ka shënuar edhe një fitore në përballjet miqësore që po i zhvillon në Turqi.
Pas fitores ndaj Kayserisporit, 2-1, Kukësi sot ka mposhtur edhe Bursasporin 2-1 edhepse ka qenë në disavantazh 0-1.
Epërsinë për Bursën e kishte sjellë Pablo Batalla (33’), ndërsa në pjesë të dytë përmes Eni Imamit (64’) dhe përforcimit të fundit Donjet Shkodra (72’).
Kjo është fitorja e dytë e Kukësit në po aq miqësore të zhvilluara në fazën përgatitore në Turqi, nën drejtimin e trajnerit të ri, Peter Pacult.
