LAKERS - PISTONS
FOTO/ nba
Kuzma me rekord, Lakers fiton pa Jamesin
10 January, 2019 @12:05
Los Angeles Lakers arriti ta mposhtë Detroit Pistonsin me rezultat 113-100.
Një ndeshje për ta mbajtur gjatë në mend për Kyle Kuzmën u zhvillua sot në Staples Center.
Kuzma shkëlqeu me 41 pikë, duke e thyer rekordin personal të karrierës së tij, derisa për shkak të lëndimit LeBron Jamesi nuk ishte në parket edhe në këtë ndeshje.
Te Detroitit më i dalluari ishte Blake Griffin me 16 pikë, kurse për herë të parë gjatë karrierës së tij Griffin e mbylli ndeshjen me 0 kërcime.
Lakers aktualisht gjendet në pozitën e tetë në Perëndim me bilanc prej 23 fitoreve e 19 humbjeve, derisa Detroiti ka bilanc prej 17 fitoreve e 22 humbjeve.
