Kyle Walker para zyrtarizimit te AC Milan

Futbollisti i Anglisë dhe i Manchester Cityt, Kyle Walker, pasi qi ia kumtoi Pep Guardiolës vendimin për ndërrim ambienti, duket se ka zgjedhur opcionin që iu përshtatë më së miri.

Sipas njoftimeve nga mediat italiane, mbrojtësi i krahut të djathtë, Walker, do të bëhet pjesë e kampionit të shumëfishtë të Italisë, Milan. Futbollisti në fjalë do të kalojë te rossonerët si huazim, me opcion blerjeje - por jo të patjetërsueshëm.

Rrogën e Walkerit në plotni do ta mbulojë ekipi italian, ndërsa tashmë po finalizohen pikat e udhëtimit të tij për në Milano dhe aranzhimi i testeve mjekësore para se të zyrtarizohet si përforcim.