LAKERS
Fitore interesante e Lakers
6 February, 2014 @12:31
Arsyeja kryesore, për gjendjen katastrofale të Lakersit, është lëndimi i lojtarëve të shumtë.
Në ndeshjen kundër Cleveland Cavaliers, trajneri Mike D’Antoni, u detyrua që të paraqitet në ndeshje me tetë lojtarë.
Por gjatë ndeshjes, fatëkëqësitë nuk u ndalën, së pari u lëndua Nick Young e pastaj edhe Jordan Farmar. Nuk mbeti me kaq, Chris Kaman, kur e bëri gabimin e gjashtë personal, Lakers mbeti me 5 lojtarë pa asnjë në bankën e rezervistëve.
Ndërsa momenti më interesant u bë, kur Robert Sacre lojtari i Lakersit, në çerekun e fundit e bëri gabimin e gjashtë personal dhe u detyrua që të luaj, pasi që sipas rregullave të NBA-së, nuk lejohet që ta vazhdojë një skuadër ndeshjen me katër lojtar.
Kurse Sacre, në çdo faul të radhës do të merte gabim teknik sipas rregullave.
Mike D’Antoni pas ndeshjes tha:
“Nuk e dija këtë rregull, por qenka e mirë “.
Megjithatë, Lakers e mposhti Clevelandin me rezultat 119-108 dhe e përfundoi serinë e humbjeve prej shtatë me radhë.
