ROMA
Lamtumira e mbretit të Romës
28 May, 2017 @19:59
Pas 24 viteve karrierë me skuadrën e Romës, sot legjenda Francesco Totti zhvilloi ndeshjen e fundit në karrierë!
Me plot lot e emocione, simboli i kryeqytetit të Italisë u largua nga fusha i përcjellur nga ovacionet e publikut vendas, kur dihet rëndësia e tij për ta.
Debutimi i Tottit ndodhi më 28 mars 1993, ndërsa që nga ajo ditë Totti nuk e ka ndërruar asnjëherë skuadrën, përkundër interesimit nga e gjithë bota.
Nëse flasim për statistika, Totti karrierën e tij e mbyll me 786 paraqitje për Romën dhe 307 gola, ndërsa për Italinë ka zhvilluar gjithsej 57 paraqitje dhe ka fituar Kupën e Botës në vitin 2006.
