KBF PRISHTINA
Liderja përforcohet me ish-lojtaren nga WNBA
24 December, 2021 @16:20
Liderja e Ligës së Femrave, Prishtina, sot arriti marrëveshje me basketbollisten amerikane, Tynice Martin.
Martin është e gjatë 180 cm dhe luan në pozitat 1 dhe 2. Ajo është draftuar nga Los Angeles Sparks në vitin 2020 në WNBA, derisa gjatë karrierës së saj ka luajtur edhe në Hogbso në Suedi e Kiev Basket në Ukrainë.
Tynice Martin gjatë karrierës së saj nëpër kolegje në Amerikë, kishte mesetare prej 14.2 pikëve, 4.3 kërcimeve dhe 1.6 asistimeve për ndeshje.
Prishtina aktualisht gjendet në krye të tabelës me 10 fitore e 0 humbje në Ligën e Femrave.
