FA CUP: 1/32
Lingard e Lukaku, United vazhdon tutje
5 January, 2018 @22:59
Pas fitores ndaj Evertonit në ligë, United ka shënuar fitore edhe në takimin ndaj Derby Countyt në FA Cup, për t’u kualifikuar kështu në fazën tjetër të kësaj gare.
United dominoi gjatë gjithë ndeshjes, goditi 2 herë shtyllën dhe dështoi të shënonte shumë herë falë paraqitjes fantastike së portierit mysafir, mirëpo ishte Jesse Lingard, lojtari i muajit dhjetor te kjo skuadër, ai që e zhbllokoi rezultatin në minutën e 84’ të ndeshjes, para se edhe Lukaku të shënonte për 2-0 dhe ndeshja të mbyllej me fitoren e ‘Djajve të Kuq’.
Kjo fitore bën që United t’i bashkangjitet Liverpoolit në listën e skuadrave të kualifikuara për në 1/16 e finales, ndërsa skuadrat tjera që do ta arrijnë këtë fazë do të kuptohen ditëve të ardhshme.
