GRUPI D
Lituania lidere, mposhtet Sllovenia
5 September, 2014 @10:11
Dueli i dy përfaqësueseve të cilat po luftonin për ta përfunduar fazën grupore në vendin e parë përfundoi me fitoren e Lituanisë, e cila ia shkaktoi humbjen e parë Sllovenisë në këtë Botëror.
Lituanezët të cilët në të shumtën e kohës ishin në disavantazh, i shtrënguan dhëmbët në çerekun e katërt duke i lejuar sllovenët të shënojnë vetëm 2 pikë gjatë dhjetëminutëshit të fundit.
Jonas Valanciunas dhe Darjus Lavrinovic e dhanë kontributin më të madh në fazën e sulmit për Lituaninë duke shënuar nga 12, përkatësisht 11 pikë, derisa te Sllovenia më i dalluari ishte Domen Lorbek me 14 pikë.
Fitore të rëndësishme për ta siguruar kualifikim shënoi edhe Meksika, duke e mposhtur Koren Jurgore, e cila e përfundoi kampionatin pa asnjë fitore, derisa Angola megjithëse fitoi ndaj Australisë, nuk arriti t’i shmanget eliminimit.
Rezultatet
| Lituania - Sllovenia | 67-64 | ||
| Australia - Angola | 83-91 | ||
| Korea Jugore - Meksika | 71-87 |
Radhitja përfundimtare e grupit D
| 1 | Lituania | 4-1 | ||
| 2 | Sllovenia | 4-1 | ||
| 3 | Australia | 3-2 | ||
| 4 | Meksika | 2-3 | ||
| 5 | Angola | 2-3 | ||
| 6 | Korea Jugore | 0-5 |
