WEST HAM - LIVERPOOL
Foto: Optajoe
Liverpooli shkëlqen në Londër, Bilic vazhdon ‘lëkundjen’
4 November, 2017 @20:21
Me paraqitje fantastike dhe 4 gola të shënuara, Liverpooli e ka mposhtur 1-4 skuadrën e West Ham United, për ta lëkundur edhe më tepër stolin e kroatit Slaven Bilic.
Liverpooli krijoi epërsi 0-2 në 45 minutat e para dhe reagoi shumë shpejt pas ngushtimit të rezultatit nga vendasit, për të mos lënë hapësirë për befasi dhe për ta mbyllur këtë duel me fitore. Përveç fitores, lajm i mirë për Liverpoolin është edhe rikthimi nga lëndimi i Sadio Manes, lojtar ky që sot luajti që nga minuta e parë.
Kjo fitore bën që Liverpooli tashmë të ketë 19 pikë, ndërsa West Hami mbetet në kuotën e 9 pikëve.
