Llapi zyrtarizon koreanin See-yoon Cheon

Skuadra e Llapit që nuk kaloi stinor të mirë vjeshtor në Superligë, ka bërë lëvizjen e radhës në kuadër të afatit kalimtar dimëror të futbollistëve. Ekipi i drejtuar nga Tahir Batatina ka zyrtarizuar sot si përforcim në ekip, jugkoreanin Se-yoon Cheon, me të cilin ka nënshkruar kontratë 3-vjeçare!

Se-yoon Cheon është mesfushor ofanziv, ndërsa 23-vjeçari pritet t’i sjellë kreativitet kësaj faze të ekipit nga Podujeva. Llapi ka mbyllë vjeshtën në pozitën e parafundit të tabelës (vendi i nëntë), me vetëm 18 pikë nga 18 ndeshjet e para të stinorit. Deri në fund të stinorit janë edhe po aq xhiro.