Llapi zyrtarizon përforcimin nga Brazili

Fernando Augusto është përforcimi më i ri i skuadrës së Llapit.

Skuadra podujevase këtë e bëri të ditur përmes një postimi në Facebook pak më parë, ku njoftoi që Augusto luan si mbrojtës i majtë dhe me Llapin ka nënshkruar kontratë 1+1 vjeçare.

Braziliani 28-vjeçar gjatë karrierës së tij ka luajtur te disa skuadra në Brazil, ndërkohë që ka edhe pak përvojë në futbollin maqedonas te skuadrat e Pelisterit dhe Makedonija Gjorce Petrovit.

Kujtojmë që shorti i hedhur dje ka vendosur që Llapi të përballet me Buducnostin malazez në rrethin e parë kualifikues të UEFA Conference League.