FARAD COBB
Lojtari i Prishtinës nënshkruan me ekipin sllovak
4 October, 2016 @10:54
Basketbollisti amerikan që u paralajmërua si përforcim i Sigal Prishtinës për këtë stinor, Farad Cobb, është larguar drejt Sllovakisë.
Cobb 23 vjeç, është bërë e ditur se ka nënshkruar kontratë me ekipin elit sllovak MBK Rieker Komarno, disa ditë para fillimit të stinorit të ri atje.
Amerikani në fjalë i cili për herë të parë do të luaj në basketbollin europian, deri disa ditë më parë ka qenë në ekipin e bardhekaltërve, por u largua. Sigal Prishtina zyrtarisht nuk ka bërë të ditur asgjë lidhur me largimin e lojtarit.
