SHQIPËRI
Tirana merr ish-lojtarin e Bashkimit
3 October, 2016 @22:43
Skuadra e Tiranës ka vazhduar edhe sot përforcimet para stinorit të ri në BIBL, ku do të debutojë këtë stinor.
Ekipi bardhekaltër sot ka zyrtarizuar dy përforcimet e radhës në skuadër, ndërsa njëri nga ata është ish-lojtari i Bashkimit, Griffin Ramme.
Përveç Rammes, tiranasit kanë siguurar edhe malazezin, Nemanja Gavranic, që ka veshur fanellën e Vllaznisë së Shkodrës më parë.
Ramme është 27 vjeç dhe i gjatë 190 centimetra ndërsa luan në pozitën e playmakerit dhe ka dorë të butë.
Ndërkaq Gavranic luan në pozitën e alos dhe është 23 vjeç. Ai është i gjatë 203 centimetra ndërsa ka bërë karrierë së fundi edhe në ligën e Francës.
Me këtë, Tirana tashmë në radhët e veta ka dy ish-lojtar të Bashkimit të Prizrenit, Ramme dhe Hysenagolli.
