ROMELU LUKAKU
Lojtari më i paguar në histori të Evertonit
21 December, 2016 @0:16
Sulmuesi korpulent belg, Romelu Lukaku, shumë shpejtë pritet të bëhet lojtari më i paguar në histori të Evertonit.
Njoftimin e ka dhënë pak më parë BBC Sport, duke bërë të ditur se futbollisti në fjalë është takuar me njërin nga akcionarët e klubit për vazhdim të kontratës me Evertonin.
Lukaku 23 vjeç me kontratën aktuale fiton 75 mijë funta në javë, ndërsa me të rejën pritet të arrijë shumën gjashtë-shifrore prej 100 mijë funtave rrogë javore.
Belgu gjithashtu është edhe rekord transferi i ekipit të kaltër nga qyteti i Liverpoolit, pasi që në korrik të vitit 2014 kishte ardhur nga Chelsea për 28 milionë funta dëmshpërblim.
Lukakut kontrata aktuale i skadon në qershor të vitit 2019, mirëpo kryesia e klubit ka vendosur që t’ia vazhdojë edhe për disa vjet atë me kushte të përmirësuara.
