Maqedonia mbetet edhe pa një lojtar

Pas basketbollistëve të natyralizuar që pësuan lëndime dhe nuk do të mund t’i ndihmojnë Maqedonisë në kuadër të ndeshjes parakualifikuese ndaj Kosovës, arrin edhe një lajm nga mediat e atjeshme.

Marko Simonovski, aloja i reprezentacionit dhe basketbollisti i Levski Lukoilit ka pësuar një lëndim dhe nuk do të mund t’i ndihmojë ekipit të Maqedonisë në përballje ndaj Kosovës.

GRUPET PARAKUALIFIKUESE PËR EUROBASKET 2021

E selektori maqedonas, Jordancho Davitkov, për rastin në fjalë ka thënë:

“Këto nuk janë lajme të mira për ne. E thashë edhe në ditën e parë të grumbullimit të ekipit, shpresoj që të përfundojmë stërvitjet pa lëndime. Tash na u shtua edhe lëndimi i Simonovskit që nuk do të mund të na ndihmojë ndaj Kosovës dhe Rumanisë.”

Kosova pret Maqedoninë më 13 shtator në Pallatin e Rinisë dhe të Sporteve. Me selektorin e ri Damir Mulaomerovic, Kosova po shpreson në arritje të madhe në kuadër të fazës parakualifikuese për Eurobasket 2021. Përveç Maqedonisë, Kosova në grupin e saj ka edhe Rumaninë, që po llogaritet si favorite e grupit.