Marash Kumbulla tregon ndaj kujt është më së vështiri të bësh mbrojtje

Qendërmbrojtësi shqiptar i Veronës, Marash Kumbulla, që këtë stinor ka arritur majet e futbollit italian pas stinorit shumë të mirë të ekipit të tij, ka qenë dje drejtpërdrejtë në Instagram, ku i është përgjigjur pyetjeve të ndryshme.

“Dua ta falenderojë trajnerin Ivan Juric. Jam duke e jetuar ëndrrën time,” ka thënë Kumbulla 20 vjeç.

“Unë kam qenë kapës i topave në Bentegodi dhe asnjëherë nuk do ta harrojë ditën kur u ula në bankën rezervë të ekipit për herë të parë,” ka shtuar ai.

Përkundër se ai tërë jetën e tij ka qenë lojtar i Veronës, ky ka qenë viti i debutimit, por edhe i shpërthimit të tij. E përballë ka pasur yje të mëdhenjë. Por, cili ka qenë më i vështiri për tu mbrojtur?!

“Dybala pa dyshim për mua. Ai është sulmuesi më i vështirë për tu markuar. Sa i përket duelit Cristiano Ronaldo, une e preferoj Leo Messin,” ka thënë Kumbulla.

Përndryshe, sipas qendërmbrojtësit shqiptar mbrojtës më të mirë aktual në botën e futbollit janë Virgil Van Dijk, Giorgio Chiellini dhe Sergio Ramos.