Miami maestral!

Fitorja u duhej patjetër. Djelmoshat e Erik Spoelstras treguan shpirtin e kampionit duke u rikthyer nga disavanatazhi 13 pikësh në çerekun e tretë, ndërsa Ray Allen pesë sekonda para përfundimit të ndeshjes shënoi treshen për të barazuar rezultatin 95-95 që të nxjerrë vazhdimet e ndeshjes së gjashtë finale. 

Në pesë minutat e vazhdimeve, Miami Heat, fitoi periudhën e nervave për të barazuar serinë finale në 3-3 dhe për të dërguar serinë në ndeshjen e fundit vendimtare, që do të luhet përsëri në Miami të enjten. 

LeBron James, katër herë MVP i NBA-së në pesë stinorët e fundit, ishte koshashënuesi më i mirë i ndeshjes me 32 pikë, 21 prej të cilave në pjesën e dytë të ndeshjes. 

Ai u ndihmua edhe nga Mario Chalmers, që shënoi 20 pikë, ku prej 5 tentimeve shënoi katër trepikëshe. 

Tim Duncan shënoi 30 pikë për San Antonio Spurs, që udhëhiqnin 71-58 në çerekun e tretë, por e gjetën veten në disavantazh në çerekun e fundit, para se të marrin përsëri udhëheqjen pas një serie prej 8-0, dy minuta para fundit të ndeshjes. 

San Antonio Spurs udhëhiqte me pesë pikë epërsi deri 28 sekonda para përfundimit të ndeshjes, kur Miami Heat arriti kthimin e jashtëzakonshëm. 

Skema e finales

Video

Përmbledhja e ndeshjes Miami - San Antonio

REZULTATI SIPAS ÇEREKËVE (NDESHJA 6)

Miami Heat - San Antonio Spurs

(27-25, 17-25, 21-25 dhe 30-20) në vazhdime (8-5)

3-3 Rezultati në seri

FAKT:

1

Miami Heat ka ndalur Tim Duncan të San Antonio Spurs në pjesën e dytë. Duncan shënoi vetëm 5 pikë në pjesën e dytë të ndeshjes.

FAKT:

1

Kawhi Leonard huqi gjuajtjen e lirë 30 sekonda para përfundimit të ndeshjes, që i hapi rrugën Ray Allenit për të shënuar treshen vendimtare.