Milicaj: Goli, motiv për rrugëtimin drejt titullit

Futbollisti i Feronikelit, Mark Milicaj, ka shprehur kënaqësinë e tij pas ndeshjes së sotme ndaj Dritës, ku skuadra e tij fitoi me golin e shënuar në minutat e fundit nga vet Milicaj.

RAPORTI I NDESHJES DRITA-FERONIKELI

Futbollisti nga Klina, tha se goli i tij ka rëndësi të madh, pasi që me fitoren e siguruar skuadra do ta ketë vazhdimësinë drejt titullit kampion dhe kjo i jep motiv shtesë atyre.

“Shpresoj që ky gol të na jep motiv të gjithë lojtarëve, kryesisë dhe shtabit teknik, që të vazhdojmë tutje drejt titullit kampion. Besoj që ka qenë një gol i rëndësishëm. Jo pse kam shënuar unë, por ka qenë gol i rëndësishëm për ekipin dhe vazhdimësinë drejt titullit kampion.

Kemi pritur një ndeshje të vështirë, pasi që edhe Dritës i nevojiteshin pikët medoemos. Por ne ia arritëm qëllimit që t’i marrim tri pikë dhe i uroj të gjithëve fitoren,” tha Milicaj.