Milot Rashica, Mauro Icardi dhe Juan Mata - në Galatasaray!

Transferet e vonshme të lojtarëve të ligave të njohura evropiane si zakonisht, drejt Turqisë.

Njëri ndër ta është edhe ylli i Kosovës, Milot Rashica, i cili do të kalojë si huazim te Galatasarayi turk, ndërsa pos tij ekipi ka bërë të ditur se po afron edhe Juan Matën si dhe sulmuesin italo-argjentinas Mauro Icardi.

Pos treshes në fjalë, Galatasaray ka bërë të ditur se ka arritur marrëveshje edhe me Yusuf Demir nga Rapid Vjena si dhe Mathias Ross.

Për Rashicën, Galatasaray do të paguajë huazim një-sezonal dhe pastaj do të vendos për më tutje. Sa i përket Icardit, pjesë të rrogës së tij ende do të paguajë PSG. Ndërkaq për austriakun Yusuf Demir, Galatasaray do të paguajë 6 milionë euro si transferim të plotë.

Në total rekord-kampioni turk në listën e përforcimeve për këtë sezon ka shtuar: Juan Mata, Mauro Icardi, Yusuf Demir, Mathias Ross, Milot Rashica, Lucas Torreira, Dries Mertens, Sergio Oliveira, Haris Seferovic, Leo Dubois, Fredrik Midtsjö, Abdülkerim Bardakcı, Kazımcan Karataş.

Sa i përket këtij sezoni, Galatasaray nuk e ka nisur mirë, duke regjistruar tri fitore, një barazim dhe një humbje në 5 xhirot e para të stinorit! Lideri Besiktas ka katër fitore dhe një barazim.