PRIZRENI-MITROVICA
Mitrovica futsall triumfon në Prizren
2 April, 2017 @10:35
Skuadra e Mitrovicës në futsall ka bërë një hap të madh drejt Superligës së Kosovës në këtë sport, duke e mposhtur Prizrenin në “Sezai Surroi” mbrëmë me rezultat 5-3.
Pranë afro 300 shikuesve në palestër, ekipi mysafir ka qenë më i saktë para portës kundërshtare dhe ka shënuar fitore, që ia hap rrugën tash për Superligë, pasi që Prizreni dhe Mitrovica janë rivalë direkt për një vend që dërgon në elitë të futsallit.
Me këtë fitore, Mitrovica tash ka 24 pikë dhe kap pozitën e dytë në klasifikim, derisa Prizreni bie në pozitën e tretë dhe mbetet në 21 pikë. Në vendin e parë është Drenica-T me një ndeshje më pak dhe 24 pikë.
