Mjeshtri Spanoulis shkëlqen, Greqia mposht Spanjën

Ylli grek, Vassilis Spanoulis, ka shkëlqyer sonte dhe ka treguar të gjitha aftësitë e tij për të mposhtur Spanjën 79-75. Ujku 31 vjeçar i kampionit europian, Olympiacos, ka shënuar 20 pikë duke u ndezur në fund të çerekut të dytë dhe të fundit të ndeshjes, për të bërë dallimin e nevojshëm në ndeshje. 

Spanoulis 20 pikëve të tij i ka shtuar edhe 4 kërcime dhe 3 asistime në fitoren e parë të grekëve në Grupin F, ku Greqia hyri pa fitore dhe me shumë pak gjasa për çerekfinale. E tash muhabeti është krejt tjetër. 

Te spanjollët u dallua qendra e Memphis Grizzlies, Marc Gasol, që shënoi 20 pikë e regjistroi 5 kërcime, bashkë me Rudy Fernandezin që gjithashtu shënoi 20 pikë dhe regjistroi katër asistime. 

Por Spanja në fund, përkundër avantazhit nuk arriti ta mbrojë rezultatin para mbrojtjes greke dhe Spanoulisit, i cili në fund u ndihmua edhe nga disa pikë vendimtare të Michael Bramosit. 

Me këtë fitore tashmë edhe Greqia hynë në lojë për çerekfinale dhe çështja e ekipeve që do të dalin nga ky grup për fazën tjetër, do të mbetet me siguri të qartësohet deri në pikën e fundit të ndeshjes së fundit. 

FAKT:

EUROBASKET 2013, Grupi F, Tabela aktuale