SFERA-ISTOGU, REZULTAT ZYRTAR
Në Ligën e Dytë, sulmohet referi
20 March, 2018 @16:36
Bazuar në raportet e vëzhguesve, raporteve shtesë dhe deklaratave të gjyqtarëve nga përballjet e xhiros XV të Ligës së Dytë të Kosovës në basketboll - FBK ka ndaluar basketbollistin e KB Sfera, Veton Seferi, për një vjet mosparaqitje në ndeshje dhe e ka dënuar me 1 mijë euro gjobë.
Arsyeja për këtë është se ai në minutën e shtatë të çerekut të dytë sulmoi fizikisht gjyqtarin e parë të ndeshjes, Artan Gashi, që ka çuar në ndërprerjen e ndeshjes, kur rezultati ishte Sfera-Istogu 27-29.
Komisioni ka shqiptuar dënimin për lojtarin, ndërsa fitorja i është dhënë Istogut me rezultat zyrtar 20-0.
