Nesër mbrëma nis faza eliminatore e Ligës së Kampionëve

Me duele interesante Benfica - Borussia Dortmund dhe Paris St Germain - Barcelona, nesër mbrëma nis pjesa e dytë e Ligës së Kampionëve 2016/17.

Dortmund ka thyer rekordin e golave të shënuara në fazën grupore, duke shënuar 21 gola. Ndërsa Benfica shpreson në histori. Ekipi nga Lisbona ka humbur vetëm dy herë në 20 ndeshje me ekipet gjermane.

Në duelin tjetër, Paris St Germain pret Barcelonën. Në 57 stinorët e parë të garave europiane, dy skuadrat janë takuar vetëm njëherë. Por viteve të fundit, nuk ndahen nga njëra-tjetra. Kjo është hera e katërt që po takohen në 5 vitet e fundit!

Duelet nisin në ora 20e45, ndërsa ato të kthimit zhvillohen pas dy javëve. Fituesit e këtyre çifteve pas dy ndeshjeve kualifikohen për në çerekfinale të Ligës së Kampionëve.