FERONIKELI - NEW BASKET
New Basket në formë, pret gabimin e MH Prishtinës
23 March, 2021 @21:22
Një fitore me vlerë të madhe ka regjistruar skuadra Prizrenase, New Basket.
New Basket e mposhti Feronikelin me rezultat 72-101.
Nikli vetëm në çerekun e parë e kishte epërsinë, më pas New Basketi e dominoi ndeshjen, sidomos në çerekun e tretë, duke pësuar vetëm 9 pikë u krijua dallimi më i lartë në këtë ndeshje.
Bardh Rexha shkëlqeu me double-double prej 30 pikëve e 18 kërcimeve, derisa u ndihmua edhe nga Ardit Memqaj me 17 pikë dhe Drini Rexha me 16 pikë e 15 kërcime.
Në anën tjetër te Feronikeli u dalluan Altin Selmancena me 23 pikë, Valdet Shala me 21 pikë, 12 kërcime e 8 asistime, por nuk mjaftoi për fitore.
New Basket me një ndeshje më shumë ngritet në pozitën e tretë në Ligën e Parë. Skuadra prizrenase ka bilanc prej 10 fitoreve e 6 humbje, kurse tani pret gabimin e Marigona Hill Prishtinës që do të përballet me Istogun, për të shpresuar në Play Off.