VËLLAZNIMI - PRISHTINA E RE
Pa humbje e mbyllin stinorin vjeshtor
12 December, 2019 @21:51
Skuadra e Vëllanimit, duke e mposhtur Prishtinën e Re me rezultat 84-67, e mbylli stinorin vjeshtor pa humbje.
Në ndeshjen e fundit të gjysmëstinorit në Ligën e Parë, me dominim total të skuadrës gjakovare kundër skuadrës prishtinase, ndeshja në palestrën “Shani Nushi”, përfundoi me fitoren e vendasve.
Xavier Newson dhe Arion Balluku, ishin të vetmit me pikë dyshifrore te Vëllanimi. Newson luajti me 29 pikë e 5 kërcime, derisa Balluku me 26 pikë, 8 asistime e 4 kërcime.
Te Prishtina e Re u dalluan Arbër Sinani me 19 pikë dhe Meriton Ismaili me 18 pikë të tjera.
Vëllaznimi me 8 fitore e 0 humbje gjendet në krye të tabelës, kurse Prishtina e Re ka bilanc prej 4 fitoreve e 4 humbje dhe gjendet në pozitën e tretë aktualisht.
