LIPJANI - PRISHTINA E RE
Pas 12 humbjeve rresht, vjen fitorja e parë
3 March, 2021 @21:26
Pritjes i erdh fundi, Lipjani pas 12 humbjeve rresht ka regjistruar fitoren e parë për stinorin 2020/21 në Ligën e Parë.
Lipjani e mposhti Prishtinën e Re me rezultat 101-91 dhe e regjistroi fitoren e parë të stinorit.
Kapiteni i Lipjanit, Fazli Vitia, shkëlqeu me 35 pikë, 6 kërcime, 6 asistime, 3 topa të rrëmbyer e 1 bllokadë, derisa u ndihmua edhe nga Besmir Nuli 23 pikë të tjera.
Te Prishtina e Re u dallua Arti Islamaj me 37 pikë e 8 kërcime, por nuk mjaftoi për fitore.
Që të dyja skuadrat kanë nga 1 fitore dhe 12 humbje në Ligën e Parë.
Fitoret e regjistruara janë ndaj njëra tjetrës.