GJYSMËFINALISTI
BOROZANI/Lis Dormabari
Peja mëson rivalin, nesër mbrëma
23 March, 2015 @23:05
Fituesja e Kupës së Kosovës në basketboll, Peja, nesër mbrëma do të mësojë kundërshtarin e saj në gjysmëfinale të Balkan League-së.
Dueli ndërmjet bullgarëve të Rilski Sportist dhe maqedonëve të Kumanovës do të përcaktojë përfundimisht ekipin që do të kalojë fazën çerekfinale për t’i dalë përballë Pejës në gjysmëfinale të ligës ballkanike.
Përballjen e parë ndërmjet këtyre dy skuadrave e fitoi Rilski me 12 pikë diferencë dhe Kumanova duhet të shkrijë këtë epërsi në ndeshjen e nesërme nëse do që të arrijë gjysmëfinalen.
Gjatë stinorit të rregullt, Peja është mposhtur dy herë nga Rilski në Grupin B, derisa ka mposhtur dy herë Kumanovën po në këtë grup.
