Peja para rikthimit të trajnerit

Peja shumë lehtë mund të rikthejë trajnerin që e kishte për një kohë të shkurtër në sezonin e kaluar.

Sipas burimeve të radios pejane, njeshi.com, drejtuesit e klubit janë pranë angazhimit të trajnerit Semsettin Bas (lex. Shemsetin Bash).

“Semsettin Bas do të rikthehet në folenë e shqiponjave të paktën për një vit për të përmbushur ambiciet e klubit pejan,” është thënë në njoftimin e botuar të Njëshit.

Kujtojmë, në stinorin e kaluar Peja humbi në finale të PlayOffit nga Golden Eagle Ylli dhe kështu përfundoi stinorin 2020/21 si nënkampion.

Verdhezinjtë nga Bjeshkët e Nemuna humbën edhe finalen e Ligës Unike nga kundërshtari i njëjtë, 82-75.

Ndërsa në Kupë të Kosovës u eliminua në çerekfinale nga Prishtina 90-88.