GAME 5: BUCKS - HAWKS
Bucks pa Giannis, me dominim total i afrohet finales
2 July, 2021 @11:34
Milwaukee Bucks e mposhti Atlanta Hawksin me rezultat 123-112 dhe është 1 fitore larg finales së madhe të NBA-së.
Që të dyja skuadrat, luajtën pa super yjet si Giannis Antetokounmpo dhe Trae Young, të cilët u lënduan gjatë këtij serisë, por Bucks nuk e vërejti mungesën e grekut.
Milwaukee nga fillimi e deri në fund nuk e lëshoi në asnjë moment epërsinë dhe e mposhti kundërshtarin.
Brook Lopez me 33 pikë ishte koshashënuesi më i mirë te Bucks, derisa u ndihmua edhe nga Khris Middleton me 26 pikë, 13 kërcime e 8 asistime.
Te Atlanta u veçua Bogdan Bogdanovici me 28 pikë.
Milwaukee Bucks është një fitore larg finales së madhe të NBA-së. Ndeshja e gjashtë do të luhet më 4 korrik nga ora 2:30.
