BIBL
Facebook/ KB Peja
Pejën s’e ndal as Teodo
16 December, 2015 @19:24
Skuadra e Pejës vazhdon të mos njeh kundërshtarë, duke shënuar fitoren e radhës në Ligën Ballkanike.
Ekipi i trajnerit Branimir Pavic, është kthyer me pikë të plota nga udhëtimi në Mal të Zi, ku u përballë me njërën prej skuadrave më të forta të grupit, Teodo.
Peja krijoi epërsi qysh në çerekun e parë, i cili përfundoi me rezultat 17-29 në të mirë të pejanëve, epërsi kjo e cila u ruajt deri në fund të takimit.
Megjithëse në fund të çerekut të fundit, përkatësisht kur kishin mbetur vetëm edhe 10 sekonda lojë, Teodo arriti ta ngushtojë disavantazhin deri në -3 pikë (88-91), befasia u mohua nga dyshja Boo Davis dhe Kevin Burwell, të cilët falë saktësisë së tyre nga vija e gjuajtjeve të lira, ia sollën fitoren Pejës me rezultat 91-95.
E gjithë pesëshja e parë e Pejës, e përfundoi takimin me pikë dyshifrore, ndërsa prej tyre më të dalluarit ishin qendra Nenad Delic dhe Drilon Hajrizi që shënuan nga 19 pikë secili.
Kurse tek ekipi vendas, ish lojtari i Sigal Prishtinës, Nikola Vucurovic, shkëlqeu me 22 pikë të shënuara.
Me këtë fitore, Peja tani renditet e dyta në grupin B pas Teodos, që ka pikë të njejta (11), por me një ndeshje më pak se kjo e fundit.
Statistikat ekipore
| TEODO | PEJA | ||
| Çereku i parë | 17 | 29 | |
| Çereku i dytë | 24 | 20 | |
| Çereku i tretë | 17 | 25 | |
| Çereku i katërt | 33 | 21 | |
| Kërcime | 27 | 32 | |
| Asistime | 19 | 21 | |
| Bllokada | 2 | 3 | |
| Topa të vjedhur | 12 | 8 | |
| Topa të humbur | 12 | 20 | |
| Tentime për tre pikë | 10/30 (33%) | 15/32 (46%) | |
| Tentime për dy pikë | 23/40 (57%) | 17/30 (56%) | |
| Gjuajtje të lira | 15/23 (65%) | 16/20 (80%) |
Statistikat individuale te Teodo
| 1 | Nikola Vucurovis | 22 pikë | 2 kërcime | - |
| 2 | Aaron Mitchell | 19 pikë | 6 kërcime | 6 asistime |
| 3 | Masan Vrbica | 16 pikë | 3 kërcime | 8 asistime |
| 4 | Manuel Johnson | 10 pikë | 2 kërcime | 1 asistim |
| 5 | Milos Djurisic | 9 pikë | 5 kërcime | 1 asistim |
| 6 | Srdjan Subotic | 9 pikë | 2 kërcime | 1 asistim |
| 7 | Ivan Zejak | 4 pikë | 4 kërcime | 1 asistim |
| 8 | Nemanja Arsic | 2 pikë | 3 kërcime | 1 asistim |
Statistikat individuale te Peja
| 1 | Drilon Hajrizi | 19 pikë | 9 kërcime | 7 asistime |
| 2 | Nenad Delic | 19 pikë | 7 kërcime | 3 asistime |
| 3 | Alban Veseli | 15 pikë | 4 kërcime | 2 asistime |
| 4 | Kevin Burwell | 15 pikë | 1 kërcim | 4 asistime |
| 5 | Ronald Boo Davis | 13 pikë | 7 kërcime | 2 asistime |
| 6 | Sam Muldrow | 8 pikë | 2 kërcime | 1 bllokadë |
| 7 | Rron Grapci | 4 pikë | - | - |
| 8 | Leonard Mekaj | 2 pikë | 2 kërcime | 3 asistime |
