Të gjitha lajmet

KOSOVA U20

Për përfaqësim sa më të mirë

Foto: FBK

Për përfaqësim sa më të mirë

Teksti: FBK

17 June, 2019 @12:29

Basketbollistët e Kosovës U-20 janë duke u përgatitur intensivisht për Kampionatin Evropian, Divizioni B, që mbahet nga 12 deri më 21 korrik 2019, në Matosinhos të Portugalisë.

Të përzgjedhurit e Ibrahim Karabegut janë duke u stërvitur dy herë në ditë, për të pasur një përfaqësim sa më të mirë në këtë garë shumë të rëndësishme. 

“Kampionati ka përfunduar më herët dhe lojtarët kanë hasur në vështirësi fizike, megjithatë, jemi duke u stërvitur dy herë në ditë. Përgatitjet fizike po i mbajmë në Gërmi dhe Taukbashçe, derisa atë taktikë në Pallatin e Rinisë dhe Sporteve në Prishtinë dhe në Obiliq. Gjithsesi lojtarët po japin maksimumin në stërvitje dhe kjo është shumë e rëndësishme për mua”, është shprehur përzgjedhësi i Kosovës U-20 (meshkujt).

Kosova U-20 ka zhvilluar edhe një ndeshje miqësore me Maqedoninë Veriore, duke pësuar 68:67, kurse nga 21 deri më 23 qershor do të jetë pjesëmarrëse në turneun që mbahet në Shkup, ku do të ballafaqohet me Rusinë, Maqedoninë Veriore dhe Malin e Zi.

“Tashmë do të kemi edhe një turne në Maqedoninë Veriore, ku do të luajmë edhe kundër Rusisë e Malit të Zi, që janë kombëtare favorite për kampion në Divizionin B. Këto ndeshje do të na shërbejnë të shohim formën e lojtarëve dhe mangësive që i kemi. Pra, t’i eliminojmë mangësitë para Kampionatit Evropian në Divizionin B. Ne kemi 14 lojtarë momentalisht, dy janë eliminuar më herët, dhe lista do të shkurtohet në 12 pas turneut në Maqedoni”, thotë tutje Karabegu.

Kosova në Evropian është në Grupin C së bashku me Suedinë, Holandën, Gjeorgjinë, Estoninë dhe Armeninë.

“Nuk kemi ambicie për ndonjë vend në Evropian. Synimi ynë është të përfaqësojmë sa më mirë shtetin e Kosovës në këtë garë shumë të rëndësishme. Unë dua të fitoj në çdo ndeshje. Kështu e kam mentalitetin. Kundërshtarët e Kosovës janë shumë të mirë, pasi kanë edhe më shumë përvojë”, është shprehur trajneri Karabegu.

Tri kombëtaret e para nga Divizioni B kalojnë në atë A.

CITY

Pep zbulon se sa do të mungojë Sane

9 August, 2019 @17:06

Leroy Sane pritet të mungojë rreth gjashtë ose shtatë muaj pasi që pësoi lendim të gjurit. 23 vjeçari, krisi ligamentin…

ARRIHET MARRËVESHJA

Gjykatësi vendos për ditët e LaLigas

9 August, 2019 @17:02

La Liga dhe Federata e Futbollit e Spanjës kanë arritur marrëveshje përfundimtare sa i përket orarit të ndeshjeve për sezonin…

DANEZI

Edhe Schone largohet nga Ajaxi

9 August, 2019 @16:56

Transferi më i ri i ekipit të Genoa, Lasse Schone është zyrtarizuar gjatë dites së sotme. Për ekipin e…

RIKTHIM NË SUPERIORE

Ish mbrojtësi i kombëtares dhe Skënderbeut, te Tirana

9 August, 2019 @15:46

Futbollisti me përvojë, që së fundi luajti si mbrojtës te Skënderbeu i Korçës, Kristi Vangjeli, është zytarizuar sot si lojtar…

DREJTOR SPORTIV

Artim Pollozhani te Flamurtari i Vlorës

9 August, 2019 @15:42

Ish futbollisti i reprezentacionit të Maqedonisë dhe futbollisti i Flamurtarit të Vlorës, Artim Pollozhani, pas vënies së këpucëve në gozhdë…

Të gjitha lajmet nga